| |
|
|
 |
|
| |
Petrus
Christianus Hubertus Bauduin
1836 - 1910. |
|
Petrus Christianus Hubertus Bauduin
woort gebore op 22 Oktober 1836 in
Roermond en is euverlije op 13 Augustes 1910 in Mestreech. Heer waor lid vaan de
Gemeinteraod vaan 1872 tot 1881 en later Wethouwer vaan 1881 tot 1900. In
1900 woort heer gekoze tot Börgemeister vaan Mestreech tot 1910 es opvolger vaan
Börgemeister Willem Hubert Pijls. Baudin waor vaan beroop 'ne pasta
fabrikant en maakde op zien febrik vermecelli-merke wie Stella,Lions Brand,
Bauduin's Vermecelli en San Lorenzo. 't Febrik gelege aon de Groete
Loeiersstraat 22 vaan Bauduin heet tot 1993 geproduceerd meh woort min of mie
gedwónge te stoppe umtot de P.V.D.A
vaan Mestreech dao sociale woeninge wouw bouwe. |
| ' Ne jaore lange procedure veurkaom de
bouw vaan die woeninge in 't Jeker-keteer, nen' uniek stökske Mestreech.
't Aajt febriksterein is noe nog altied eigendom vaan de erve vaan de
Femilie Bauduin. Petrus Christianus Hubertus Bauduin, 't Volk numde häöm ouch wel " Baudewing " verbeterde in Mestreech oonder andere
de Volkshoesvesting mèt naome de Woening-Wèts-Woeninge veur 't wèrkvolk.
In de jaore tösse 1870 en 1880 waore door de verkaveling vaan de stad väöl
woeninge oetgewoend en verkrot en de mieste waore in bezit vaan partekelere.
Evels den' ierste dee woeninge maakde veur 't wèrkvolk waor Petrus Regout
dee in 't jaor 1864 'ne woenkazerne bouwde vaan 4 etage's hoeg en de naom
mèt kraog vaan " Cité Ouvriere ". Meh 't volk vaan Mestreech numde 't gebouw
" De Groete Bouw ". Door euver-bewoening raakde 't al snel
verkrot en woort in 1930 al weer aofgebroke.Veur Regout waor de kazerne daan mesjiens 'ne daod vaan paternalisme, leefdaodigheid
en zörregzaomheid.meh |
De poort vaan 't febrik
Bauduin aon de Loeiersgrach
|
de bewoeners zaoge 't veural es e ramp-plaots vaan oongesiefer
en cholera. Normaal sanitair had me neet !!. De Woeningwèt is 'ne
Nederlandse wèt ingeveurd in 1901 door 't kabinet Pierson. Dee wèt is
aongenome op 22 Juni 1901 en traod in wèrking op 1 Augustus 1902.
't Doel vaan de Woening-Wèt waor : bewoening vaan slechte woeninge woort
onmeugelek gemaak en um de bouw vaan gooi woeninge te bevordere.'t Waor 't
begin vaan de euverheids-zörg veur 't woene. Um dat te bereike gebruukde me
'ne combinatie vaan strenge regels um de slechte woeninge tege te goon en 't
gebruuke vaan gemeinsjaps-geld um de bouw vaan gooi woeninge te bevordere.
|
|
Oonthölling staandbeeld Minckeleers
1904. |
't Geld woort gebruuk door de Woening-Corporaties, geld veur te sjete
, veur de
bouw vaan die Woening-Wets-Woeninge. De bouw vaan den ' ierste
Woening-Wèts-woeninge woorte te Weste vaan de Hertogsingel gebouwd.
Nao de ophufting vaan de Garnizoens-Stad Mestreech in 1867, trokke de rieke
lui de stad oet en bouwde de sjoenste villa's. Zoe ontstoont ouch 'ne nuie
wiek naomelek 't Villapark, wiet eweg vaan 't slechte milieu vaan de kleine
industrieën.
In 1904 woort op 10 Juli 'ne staandbeeld oonthöld vaan
Minckeleers op de Mèrret , hook Boschstraot. Heer waor d'n oontdèkker vaan
't leechgaas en oetvinder vaan de gaas-verliechting. Minckeleers studeerde
in Leuven boe heer proffessor in de natuurkunde woort. Dao oontdèkde heer
tot me, door kole te verhitte zoonder zuurstof, me e gaas kraog. In
Mestreech woort in 1854 den ' ierste gaasleiding gelag veur
straot-verliechting. In 1907 woort Petrus Christianus Hubertus Bauduin Ridder in de Orde vaan Oranje Nassau. In 1910 storf heer in Mestreech in zien harnas. Börgemeister Petrus Christianus Hubertus Bauduin
woort in 1910 opgevolg door Börgemeister van Oppen. |
|
|
|
