| |
|
Hendrik Nierstrasz
1773-1855
Börgemeister 1835 - 1850
|
| Hendrik Nierstrasz woort gebore in Mestreech op 26 Jannewarie 1773, es ‘ne
zoon vaan Johann Leonard Nierstrasz en Magdalena Claessen. Hendrik
Nierstrasz waor vaan beroop Notaris in Mestreech, en vaan 1792 tot 1835 waor
heer Vice Börgemeister (adjoint-Maire). Op 31 Miert 1835 woort heer benump
tot börgemeister vaan Mestreech en bleef dee functie vervölde tot zien
euverleije op 9 Aprèl 1850. Vaan 18 Miert 1808 tot 16 Mei 1815 waor heer lid
vaan de Municipale (gemeinte) raod. In 1814 woort heer benump tot
Auditeur-Milletair (‘nen opebare aonklaoger vaan ‘ne kriegsraod) in
Limburg,en dat bleef heer tot ’t jaor 1844. Wie Hendrik Nierstrasz
börgemeister vaan Mestreech waor , zien in dee periood belangrieke
gebäörtenisse gewees. |
| De belangriekste wäör zoonder twiefel de
onaofhankelekheid “ Traktaad vaan Londen ” vaan Keuninkriek Belzj oonder
leiding vaan Keunig Leopold den Ierste.
In
’t jaor 1838 woort de nui Slevrouwe kerk in gebruuk genome en woort ’t beeld
vaan de Sterre der Zee euvergebrach vaan oet de St-Nicolaaskèrk nao de nui
kerk.De St-Nicolaas kerk woort daonao aofgebroke. In 1848 woort begós mèt de
aonlègk vaan ’t kenaal Mestreech-Luik en dat woort in ’t jaor 1850 in gebruuk
genome. In de jaore 1963-1964 woort ’t kenaal weer gedemp veur d’n aonlègk
vaan de Maosboulevard.
Hendrik Nierstrasz waor Commandeur in de
Orde vaan De Nederlandse Leeuw en naom oontslaag es Börgemeister op 1
Fibberwarie 1850 umtot ziene gezoondheid häöm in de steek leed. Wethouwer
J.L.van Meerbeke naom ’t vaan Hendrik Nietstrasz euver tot aon ’t euverleije
vaan Nierstrasz. Daonao naom Schepen Jac Bemelmans dee functie woer tot 23
Oktober 1851.n
1811 woort Hendrik
Nierstrasz benump tot lid vaan ’t kiescollege en waor vaan 1835 tot 1838
President vaan de Groete Societeit vaan Mestreech.Heer is euverleije op 19
Fibberwarie 1855. Hendrik Nierstrasz trouwde op 14 Oktober 1802 mèt Caroline
Susanne Schinck in Vaols. Caroline Susanne Schinck die gebore waor op 21
December 1778 in Vaols en is euverleije in Mestreech op 17 Juni 1857. |
Femilie Wape Nierstrasz |
Hendrik Nierstrasz en Caroline Schink kraoge same ach kinder,naomelek
1.Mr.
Jean Charles Nierstrasz woort gebore op 28 Augustes 1803 en woende in
Moergestel.Heer waor neet getrouwd en is euverleije op 2 Augustes 1855 in
Mestreech.
2.Jeanne
Caroline Nierstrasz woort gebore op 23 December 1804 en is euverleije op 16
Juli 1884.Zie trouwde op 2 Juli 1838 mèt Leopold Johannes Antonius van der
Kun dee gebore waor op 21 September 1801 en heer waor hoof Ingenieur vaan de
Waoterstaot.Heer is euverleije op 26 Jannewari 1864.Heer waor ne zoon vaan
Gerardus Cornelis van der Kun en Marguérite Valentine Ferrière. |
3.Jan Gustaaf Nierstrasz woort gebore op 31 Miert 1806 in Mestreech 1806 en
waor ambteneer bij ’t gemeintebestuur vaan Mestreech.Heer is euverleije op
5 Jannewari 1852. Jan Gustaaf Nierstrasz trouwde op 27 Fibberwari 1828 mèt
Louise Albertine Marie Borel. Zie waor gebore op 28 Aprèl 1805 in Fort
Zeelandia en euverleije op 4 Fibberwari 1840. Zie waor ‘ne dochter vaan Jan
Hendrik Francois en Johanna Maria Petronella Persick.
4.Clementina
Helena Nierstrasz woort gebore in Mestreech op 29 Juli 1807 en euverleije in
Brussel.Zie trouwde op 16 Fibberwari 1829 mèt Paulus Prosper Bosch dee
gebore waor in Mestreech op 13 Oktober 1798. Heer waor 1e
Luitenant Ingenieur en Adjudant vaan de 5e Directie vaan
Fortificatiën.
|
Emma Constantia Nierstrasz
1818-1893 |
A.Engelbert de laporte
1804-1873 |
De Officere en Opzeichters
vaan Fortificatiën heelde ziech bezig mèt ‘t oonderhaajd en de bouw vaan
milletaire gebouwe.
Later woort heer Kolonel vaan de Genie in ’t Belzje leger. Paulus Prosper
Bosch waor ‘ne zoon vaan Joannes Henricus Bosch en Maria Gertrudis Visschers.
5.Victor
Emilius Nierstrasz woort gebore op 20 Fibberwari 1809 en euverleije op 31
Jannewari 1866.Heer waor notaris vaan beroop.Vaan 1853 tot 1854 waor heer
lid vaan de gemeinteraod vaan Mestreech,en lid vaan de Provinciale Staote
vaan Limburg vaan 1864 tot 1865. Heer trouwde op 25 Juni 1836 mèt Clara
Cornelia Rouffaer die gebore waor op 7 Mei 1812 in Mestreech en is
euverleije op 28 November 1880. Zie waor ‘ne dochter vaan Johannes Rouffaer
en Suzanne Maria van Woensel.
6.Francoise
Pauline Nierstrasz woort gebore op 16 September 1810 in Mestreech en
euverleije op 23 Oktober 1896.Zie trouwde op 12 December 1857 mèt Jan
Adriaan Nieuwenhuizen dee gebore waor op 20 Juni 1803 en notaris waor in
Batavia .Heer is euverleije op 28 Aprèl 1861 in Voorburg en waor ‘ne zoon
vaan Thomas Willem Nieuwenhuize en Jacoba Nierstrasz.
7.Emile
Chrétien Nierstrasz woort gebore op 29 Mei 1812 in Mestreech en waor 1e
Lutenant vaan de Infanterie.Heer woort gepesioneerd mèt de rang vaan Kaptein
in 1857.Emile Chrétien Nierstrasz is euverleije op 13 Mei in Breda en waor
op 19 Oktober 1846 mèt Alida Dyonisia Siervelt.Zie waor gebore op 29
September 1815 in Brielle en is euverleije in Utrecht op 26 Jannewarie
1898.Zie waor ‘ne dochter vaan Jan Hendrik Siervelt en Jacoba Blanken.
8.Emma
Constantia Nierstrasz woort gebore op 15 Juni 1818 en is euverleije in
Scheveninge op 13 September 1893. Zie trouwde op 26 Juli 1841 mèt Anthonie
Engelbert André de La Porte dee gebore waor in Elst op 20 Jannewari
1804. Heer waor Kaptein Ingenieur 1e klasse en gedetacheerd bij de
keuninkleke Academie veur Zie en Landmach in Breda. Heer waor Ridder in de
Orde vaan de Nederlandse Lieuw en Ridder in de Orde vaan de Eikenkroon. In
1841 woort heer secretaris Der Nederlandse Commissie van Grendscheiding. De
La porte
is euverleije in Breda op 2 Fibberwari 1873 en waor ‘ne zoon vaan Ds.Antoney
Engelbert de La Porte en Jacoba van de Wall.In 1851
woort heer ,
Hendrik Nierstrasz opgevolg door Börgemeister J.P. Wijnandts (1851-185
|
|
|
|
