| |
Raymond Willems is gebore op 23 Aprèl 1939 in Mestreech en
getrouwd mèt Truus Lemmens, gebore op 9 Fibberwari 1943 eveneins in
Mestreech. Raymond Willems werkde vreuger bij de Vroom & Dreesmann ,
iers es woeningstoffeerder en later es assistent manager vaan de
Woeninginriechting. Al vreug woort heer same mèt zien vrouw Truus
aongetrokke tot de kemedie en 't doorde neet lang of zie späölde
in 1959 same in 't stök vaan " Frau Luna " . Frau Luna
waor e Revue-Operette stök gesjreve door Paul Lincke en 't waor
vertaold in 't Mestreechs door Loe Maas. Raymond Willems späölde in 't
stök de rol vaan Stöpke en Truus de rol vaan Poezebak.
|
| Ein vaan de bekinste leedsjes oet dee Revue-Operette waor 't
bekinde leedsje vaan " Beliner Luft "dat door Loe Maas vertaold woort
in " Mestreechter Geis " . In 1980 woort dee Revue-Operette
opnui gespäöld door de "Mestreechter Operettevereiniging" ,
bewèrk en geregiseerd door Huub Noten.
't Groetste sukses heet Raymond gevierd in de rol vaan de " Kaptein vaan
Köpenick ", en dee rol waor häöm daan ouch op 't lief gesjreve.
De oetveuringe vaan de Kaptein vaan Köpenick waore in 1969 in de
Dominikaner kèrk en woort meugelek gemaak door 'ne kemissie vaan de
Maasvogels en de Tempeleers. Raymond späölde de hoofrol en zien vrouw
Truus Lemmens späölde de rol vaan Merrekentenser in 't stök.
't Zaankkoer en de (klomele) kapel waore vaan de Maasvogels en 't
pepeer febrik ,beter bekind in deen tied oonder de naom vaan K.N.P.
Koninklijke Nederlandse Papier Fabriek. Alles stoond oonder de regie vaan
Jef Baars en de dirrezjènt waor Hein s 'Gravezande. In 1971 woort Raymond
Willems mèt de Vastelaovend oetgerope es Prins Karneval vaan Mestreech en
zien liefleed waor dat jaor 't leedsje vaan 't " Zwumbad "
gesjreve door Bèr Erven en G.v.d. Lende. Elf jaor later in 1982 zóng
Raymond same mèt zien vrouw Truus 't winnend Vastelaovends leedsje vaan
" Unne Awwe Loomel " en in 1994 't winnend Vastelaovends leedsje
" Mien Moojertaol " gesjreve door Fien en Harrie Bollen. |
De Kaptein vaan
Köpenick.
|
| Same maakde zie ouch de C.D. " Mestreech Mercie "
boe zie bekinde en oonbekinde aw Mestreechter leedsjes zónge en boevaan
sommige neet wèt wee ze gesjreve heet ,meh die vreuger väöl gezónge
woorte. Kinder wijskes,Chansons, en Volksleedsjes zoe wie 't Peerd vaan
Beiten,of Kiele kiele lekker menneke. |
 |
Truus en Raymond höbbe same mie es 40 jaor op de buun
gestaande en altied mèt väöl sukses en plezeer. In 1982 en in 1993
woort de Kaptein vaan Köpenick weer opgevoerd meh noe door 't Mestreechs
Volkstejater oonder leiding vaan Huub Noten dee oonder aandere de regie
had, mèt weer Raymond in de hoofrol. De lètste kier in 1993 mèt 350
mètwerkers en 't waor de groetste oetvoering vaan 't Volkstejater. Ouch
had me 'nen ech peerd op de buun veur de Kaptein vaan Köpenick.
Raymond en Truus höbbe ouch same in 't ierste stök vaan 't
Volkstejater gespäöld naomelek 't stök vaan Madam de
Generaol en dat woort gespäöld in de Sphinxzaol en in 't Gymnasium gelege
aon de Paotersbaon. Nog väöl stökke woorte gespäöld mèt Truus en
Raymond in de hoofrol zoewie Boe is 't Kinneke Daan, Zwijnderij, Bèr en
Berta, en in de Royal Sphinx Revue. Jaore laank höbbe Raymond & Truus
gesjitterd in Mestreechter kemedie stökke en höbbe väöl
Mestreechtenere laote lache en ammesere. |
Truus &
Raymond Willems.
|
|
Discografie
Single
7" samen met anderen:"Oet de Royal Sphinx Revue"
(Marlstone Marl EP 098804, 1988)
EP samen metFrans Dupont en Truus Willems.
"Unnen awwe loomel / Diech / De vastelaoveskis /Goejt uuch mer dedoor"
(Telstar 60 071 TF, 1981)
EP samen met anderen:
"Mestreech is eine groete kaffee"
(Telstar 60068 ES, 1980)
LP samen met anderen:
"Drei daog karneval in Meestreech" (Telstar TPO, 11968 TL, 1977)
CD samen met Truus Willems:
"Mestreech merci" (Marlstone CDL 2336, 2003)
"Vastelaovend in Mestreech 9" (Marlstone CDL 2602, 2006)
|
|
|
|
