| |
|
Pierre Hubertus (Pieke) Dassen
woort op 23 September 1926 gebore in Rotterdam en is gestorve op 18 Aprèl
2007 te Mestreech. Vreuger verdeende heer zien cent es accordeon-speuler en
späölde heer dèks mèt in cabaret gezelsjappe . In de jaore '50 zóng heer
Vastelaovends leedsjes en woort dèks begeleid door Math Niël op de
piano. In deen periood deeg heer väöl insperatie op um euver de Karneval
te goon sjeldere. Pieke Dassen begós te sjèldere in 1943 umtot heer toen
ouch nao de Mestreechter Kunstnijverheid-sjaol góng veur 'ne studie vaan
vrije sjelderkuns. In 1945 kaom heer in kontak mèt de póppespeuler
Jan Nelissen en woort höllep bij 't speule vaan zien stökke in 't
pópetheater " De Kleine Wereld " in 't Dinghoes . |
| Lange tied waor Pieke Dassen 't mies bekind es póppespeuler.
In de Poesjenellekelder oonder 't Dinghoes gaof heer tot 1975 väöl
veurstèllinge boe nog doezende Mestreechtenere mèt väöl plezeer aon
trök dinke. Populair waore ouch zien polletieke stökke en bij
bekinde Mestreechtenere woort daan “de ketel gesjoord
". Zoe ouch 'ne kier mèt de Pestoer vaan de Sint Mattias-parochie dee
'ne proof vertrèk had boe heer zien bekinde donder preke oefende. Pieke
werkde in deen tied ouch väöl same mèt journalist Frans Brunklaus dee
satirische tèkste väör häöm maakde. Pieke Dassen en Nelissen gaove
ouch dèks veurstellinge boete Mestreech en gónge daan same op 'ne moter
mèt zijspan de weeg op. In 1953 verhuisde Nelissen nao Haarlen en naom
Pieke Dassen de Poesjenellekelder euver en góng allein weijer mèt 't
make vaan veur stèllinge veur joonk en aajd.'t Waor veur 'nen artiest dee
wieneg verdeende in deen tied |
Pieke Dassen
1
Jaor
|
|
|
'ne groete investering. Pieke Dassen waor
verpópzak wie de Gemeinte Mestreech in 1967 häöm vertèlde tot heer weg
mós oet 't Dinghoes. 't Pand waor bouw-valleg, zoe wie de Gemeinte zag meh
't doorde tot 1974 tot me dao góng verbouwe. Nao e
tössestop aon de toneelsjaol studeerde heer wijer aon de Jan van Eyck
Academie boe heer in 1957 aofstudeerde es kunssjelder.
Ouch woort heer landelek bekind es August vaan 't tellevisie
kinderprogram " De Film van Ome Willem " |
| Same mèt o.a Edwin
Rutte, Teun en Toon en 't Combo vaan Harrie Bannik waor 't program bezunder populair bij
de jäög.
Nao 1989 sjèlderde heer allein nog mer en zien hobby waor daobij
't besjèldere, met de Vastelaovend, vaan kaffee De Pieter dee heer eder jaor
weer umtouverde tot 'ne woere Vastelavends Tempel. Mèt de Vastelaovend
góng heer dèks mèt 'ne tuba op stap. Heer späölde same mèt zien vrun bij de Zaate Herremenie 1959 en later nog bij
herremenie " Vreug en Neugter
". Zien leefde veur de Mestreechter taol waor groet en heer heet 'nen aontal Operette stökke vertaold zoewie dee vaan " Der Vogelhändler " vaan
Carl Zeller veur de Mestreechter Operètte Vereiniging. |
De Poesjenellekelder
|
|
|
Zien mies recent sjèlders-wèrk waor bezunder kleurriek en 't liek geinspireerd door de mythologie. Op
versjellende deuk is Sater Pan mèt zien fluit te zien . Pieke Dassen
gebruukde veerdig 'ne pensiel of 'n pen en maakde daomèt sjèldereie
mèt natuurgetrouwe landsjappe en zellefportrette. Pieke Dassen waor
lange tied kraank en is euverleije op 18 Aprèl 2007 in de leeftied
vaan tachtig jaor. |
|
