| |
Henri Jonas woort in Mestreech op 28 Mei 1878 gebore in de
Mestreechter Smeistraot nommer 2930, es twiede keend vaan Fieneke Jungsleager
en Charles Jonas, meisterknech-hoesjelder vaan beroop . Nao ziene
liegere sjaol woort Henri Jonas lierling hoesjèlder, meh s'aoves vollegde
heer wel nog teikenlesse bij Rob Graafland aon 't
Stads teikeninstituut . En vaanaof
1902 ouch aon de Zoondagssjaol veur Decoratieve Kunste.
Henri Jonas trouwde
op 2 Juni 1903 mèt Netteke Roukens.'t Howwelek zouw zoonder kinder blieve
en op 31 Miert 1915 storf Netteke Roukens aon tuberculoos. Nao de doed
vaan Netteke en 'n jaor daonao bij 't euverlije vaan ziene Pa Charles, stoond 't leve vaan
Henri op ziene kop en zag heer ziene tied es hoessjèlder op.
|
Heer góng daonao mèt subsidie vaan de stad Mestreech nao
Amsterdam um dao tot 1918 'nen opleiding te volge aon de Rijksacademie
veur Beeldende Kunsten. Mèt de ónrös in zien liechaam vaan veural 't
euverlije vaan Netteke en ziene Pa , reisde heer 'nen aontal jaore
door Europa en Noord -Afrika.
In 1922 góng Henri Jonas woene in de Kleine Lurestraot op nommer 10 en
woort eve daonao lieraar sjèldere aon de Stads Teikeninstituut,
dat later Kunst
Nijverheidsjaol hètde. In de jaore tösse 1925 en 1932 maakde heer de
sjoenste sjèldereije en glaas in loed veensters, oonder aandere die vaan
De Koepelkerk. In 1926 lierde heer in Peries 'n bekind sjèlders
model kinne. Eugénie Servais waor häör naom en mèt häör kraog heer 'ne
relatie. Ónder drök vaan de Kerkelike opdrach gevers móch heer neet
mèt häör trouwe umtot Eugénie nog altied neet offisjeel
gesjeijd waor .
Heer kaom daodoor weer in 'ne depe depressie en kaom in 'ne psychiatrisch -
hospetaol terech, boe heer veur lange tied woort opgenome. |
Henri Jonas
|
|
Zelf portret
Henri Jonas |
Venaof 1933 tot 1937 heet Henri Jonas in 'nen aontal
psychiatrische - hospitaole doorgebrach boe heer in opdrach vaan
dokter's en broeders es terapie wel bleef sjèldere. In 1937 trouwde
heer alsnog mèt zien geleefde Eugénie Servais umtot zie 't jaor daoveur
wedevrouw waor gewore. n Juni 1940 kort nao 't oetbreke vaan d'n twiede wereld -
oorlog woort Henri Jonas weer opgenome in de psychiatrische aofdeiling
vaan 't Mestreechter hospitaol Calvariënberg. |
Heer storf veer jaor later,
zjus 'nen daag nao de bevrijding vaan Mestreech door
de Amerikane. Oonderwijl woort in de
straote gedans en gefies umtot 'nen einde waor gemaak aon veer jaor
bezètting. Veur Henri Jonas
kaom d'n doed ouch es 'ne bevrijding vaan 'ne
peerjood, vol vaan angs, en duusternis. Inkele jaore nao Henri Jonas doed, kraoge die
psychiatrische - hospitaole 'nen affeer, umtot de weduwe Eugénie
Servais beslaag
leet lègke op al de wèrke dat heer dao gemaak had.
Henri Jonas is op 15 September
1944, op 66 jaorige
leeftied euverleije.
|
 |
|
