| |
Henri Florimond Goovaerts is gebore op 13 November 1865 ( Sint
Pieter ) in Mestreech, en euverlije op 23 Augustus 1912. Zien awwers kaom
in 1860 vaanoet Mechelen ,(Belzj) , woenen in Mestreech. Heer waor 'ne
zoon vaan 'ne hoessjčlder en moos al wie heer joonk waor ziene Pap
helpe mčt 't sjčldere vaan ornaminte aon de plefong. Meh al gaw begós heer ouch
op deuk te sjčldere en 't ajdste en bekinste sjčlderij maakde heer in
1881 wie heer zjus 16 jaor joonk waor. Me kós toen al zien tot heer
väöl talent had. Heer besloot um kunssjčlder te weure en góng tege de
zin vaan ziene Pa studere aon de Kuns-Acedemie vaan Mechelen in Beljz. Dao
studeerde heer vaan 1883 tot 1885 en kraog lčs vaan oonder aandere
de directeur vaan dee Academie Willem Geerts. |
| In 't ierste jaor behaolde
heer 'nen ierste pries en 't zčlvere ieremetaol veur 't oonderdeil
teikene vaan antieke roomp en seraode. In 't twiede jaor behaolde heer 'den ierste pries mčt 't
mčt zčlver verguld ieremetaol veur 't teikene vaan natuur en antieke figuure.
En in de hoegere aofdeiling behaolde heer ouch 'nen ierste pries
mčt zčlver verguld ieremetaol. Vaan 1887 tot en mčt 1889
studeerde heer same mčt ziene vreund Fonds Olterdisse aon de Academie in
Amsterdam boe heer in 't lčtste jaor vaan zien studie aon de academie de
Prix de Rome won. De Prix de Rome is 'ne prestigieuze
aonmoedigingspries veur jong artieste en architecten,en me kraog 'ne
studiereis nao Rome en Spanje. Heer woont dee pries door zien sjčlderij
vaan " Dido dee Aeneas naoloert" en moch op koste vaan de
staot 'ne studie reis make nao Italië en Spanje boe heer 'n aontal
sjčlderije vaan groete meisters moos naosjčldere. Nao zien studiereis
góng Henri Goovaerts weer trök nao Mestreech en riechde dao 'nen atelier
op boe heer ziech speciaal riechde op 't sjčldere vaan portrette.Meh heer sjčlderde ouch andere
dinger es heer dao opdrachte veur kraog. |
Henrie Florimond Goovaerts.
(zittend)
|
| Zoe sjčlderde heer veur de gemeinte Mestreech 't
sjčlderij "Charité " dat me in 1895 aon Keuningin Wilhelmina
offreerde bij häör bezeuk aon Mestreech. 't Slčlderij hingk noe
in 't Keuningklek Hoesarchief bij 't Pelies Noordeinde. Väöl portrette
sjčlderde heer vaan bekinde bestuurders, börgers of notabele. In 1900 woort Henri Goovaerts nao Peries gesjik um dao 'nen aontal werke nao te
slčldere. Heer sjčlderde dao De Graflegging vaan Totiaan , e portret
vaan Rembrand en 'n Hollands interieur vaan Pieter de Hoogh. Vaan 1900 tot
1905 woende Henri Goovaerts in Zwitserland um dao 'nen aontal rieke
femilieleie te sjčldere. |
Henrie Florimond Goovaerts.
1865-1912
|
Henri Goovaerts heet in versjčllende stei ateliers
gehad zoewie in Mestreech,Düsseldorf,Essen,Aken en Hamburg. Henri
Goovaerts is euverlije op 23 Augustus 1912 wie heer 46 jaor aajd waor en
begraove op de Algemeine Begraofplaots gelege aon de Tóngerseweeg. 't
Grrafmonumint vaan Henri Goovaerts is gemaak door de Mestreechse
beeldhouwer Gérard Osvald Hack en weurt nog ummertow verzörg door de
gemeinte Mestreech. 't Mieste werk vaan Henri Goovaerts is in 't bezit
vaan particuliere euver de ganse wereld en in 't Bonnefantemuseum in
Mestreech. 't Suermondt-Ludwig Museum in Aoke heet 't sjčlderij, 'n
portret vaan Professor Kraus en 't Museum für Kunst und Kulturgeschichte
in Lübeck heet e portret vaan sjrijfster Ida Boy-Ed. |
Graaf stein vaan Henrie Goovaerts
|
|
