Bgm.Lefebvre

         

 Trök

 

 




Foto ?

Emanuel Joseph Lefebvre

1795 - 1811
Börgemeister 1800 - 1801.

Wee kin miech helpe aon ne foto vaan E.J.Lefebvre ?



Emanuel Joseph Lefebvre woort gebore op 13 Miert 1772 in Mestreech en is euverlije op 19 Aprèl 1828 in Antwerpe. Heer waor ‘ne zoon vaan  Guillaume Lefebvre (renteneer) en Jacobine Angeline Reintjes. Emanuel Joseph Lefebvre waor vaan beroop notaris in Mestreech vaan 1795 tot 1811. Gemeinte-Amteneer waor heer vaan 1798 tot 1799, en heer waor  lid vaan ’t Bureau de Bienfaisance (bureau van Weldadigheid),’ne veurläöper vaan ’t Burgelijk Armbestuur. ’t Bureau de Bienfaisance had väöl geld en bezittinge ,groetendeils aofkomstig oet de jaore 1796 en 1797, wie de Franse alle bezittinge en geujere vaan Kloesterstiechtinge hadde genaast of ingepik.
Meh ouch verkrege door sjinkinge en legaten. Emanuel Joseph Lefebvre woort op 28 Aprèl 1800 gekoze en  benump es ierste Börgemeister vaan Mestreech. Nao e jaor kraog heer zien oontslaag es Maire (Börgemeister) op 8 Juni 1801. Heer naom toen weer zien beroop vaan Advocaot-Notares  op. Lefebvre verhuisde mèt zien femilie in ’t jaor 1811 nao Antwerpe.  Emanuel Joseph Lefebvre trouwde op 4 Jannewari 1798 mèt Anna Helena Timmers in Mestreech. Anna Helena Timmers waor gebore in Mestreech op 12 Augustes 1762 en is euverlije op 30 Mei 1818 in Antwerpe . Anna Helena Timmers waor ‘ne dochter vaan Kaopmaan Martin Timmers en Wilhelmine Leurs. .
 Anna Helena Timmers en Emanuel Joseph Lefebvre kraoge same ein dochter naomelek Maria Josephine Wilhelmine Lefebvre. Zie woort gebore op 20 November 1798 in Mestreech en is euverleije op 14 Juli 1840 in Brussel.


Franse Soldaote in Mestreech
1800
Maria Josephine Wilhelmine Lefebvre trouwde op 7 September 1831 mèt Abraham Etienne Gadiot. Heer woort gebore in Mestreech op10 Augustes 1798 en is euverleije op 26 Juni 1856 in Luik. Abraham Etienne Gadiot waor Advocaot vaan beroop en renteneer vaanaof ’t jaor 1840. Abraham waor ‘ne zoon vaan Abraham Gadiot en Anna Margaretha van Caubergh. Abraham Gadiot waor ieder getrouwd mèt Maria Hubertina Graff. Emanuel Joseph Lefebvre verhuisde in ’t jaor 1811 nao Antwerpe boe heer weer ‘nen Advocaote ketoer opende. Heer is op 19 Aprèl 1828 euverleije in Antwerpe.


 


 Franse Soldaote in Mestreech
1800


 


Napoleon Bonaparte





Börgemeisters & Gemeinteraod
 in Mestreech
(Franse periood.)


In de daog vaan ’t Acien Régime (frans veur ’t aajt bestuur vaan veur de Franse Revolutie) had me in Mestreech veer Börgemeisters, twie vaan de Staotse of Braobandse kant en twie Börgemeisters vaan de Mestreech - Luikse kant.’t Nuie Fraankriek, boe Mestreech vaanaof 1794 deil oet van góng maake, zaog me ’n Börgemeister, es ’t bestuurleke hoof vaan ‘ne gemeinte. Heer woort benump door ’t centrale Staots- Gezag, wat veer noe de “Kroon” numme. Daorum kinne veer noe ouch stèlle tot Christiaan  Coenegracht (1808-1815) den ‘ ierste echte beneumde Bórgemeister vaan Mestreech waor. Emanuel Joseph Lefebvre (1800-1801) en Pierre Etienne Monachon (1801-1808) zien benump in ‘ne zoegenaomde Pré-Historie periood vaan ’t moderne Börgemeister sjap dat veer noe nog kinne.De bezèttende Franse vervónge ‘t aw Vroedschap (college) door ‘ne Municipaal bestuur vaan 7 leie , boevaan ‘ne regerings-commissaris aon, waor touwgevoog. De Municipaliteit (‘t gemeintebestuur) koos oet häör midde ‘ne president. Bonaparte vervóng dat door ‘ne gehiel nui bestuurs-inriechting in ’t jaor 1800. De in deen tied gekoze Presidente kós  me meujelek Börgemeister numme. Nao 1800 kaom ‘ne twie-ledig bestuur,’t college vaan de Maire mèt twie adjuncten, en de Municipale Raod. Dat college vaan de Maire en zien Adjuncte kós ‘me e bitsje vergelieke mèt ’t huidige college vaan B en W. meh dat college stoond hielemaol neve de raod. Wel waor de Maire veurzitter vaan de Raod , meh zien adjuncten stoonte d ‘r hielemaol boete en mochte allein es plaots-vervèngend veurzitter bij de aofwezigheid vaan de Maire zellevers in de raod versjeine. Den ‘ierste Maire Emanuel Joseph Lefebvre, bleef mer ein jaor aon, en kraog ziene konzjee. De twiede accepteerde zien beneuming neet, en de derde,Pierre Etienne Monachon, waor einige jaore Maire en toen weer Adjunct-Maire. Um dee groond kin me stèlle tot Christiaan Coenegracht den ‘ierste echte börgemeister vaan Mestreech waor.
Oondertösse waore de Franse verdwene oet Mestreech en huurde Mestreech weer bij ’t riek vaan Keunig Willem 1. .Dee beneumde op 16 Mei 1815 ‘ne veurluipig Stadsbestuur. Dat bestuur bestoond oet ‘ne College-Raod vaan 23 leie .Ein vaan de veer bestuurders waor ierste Börgemeister of Börgemeister-President, en de andere drei waore wie veer dat  noe numme “ Wethouwers ” en in de Zuideleke Nederlande numde me die “ Schepene “. ’t Waor ‘ne situatie zjus wie in Duitsland boe me noe nog altied ‘nen aontal Börgemeisters heet, en eine Ober-Börgemeister. De Börgemeisters-Veurzitters waore in deen tied A.C. Membrede,vaan 16 Mei 1815 tot 18 Augustes1818, J.G.C. van Slijpe vaan 18 Augustes 1818 tot 31 Miert 1835 en Börgemeister Nierstrasz vaan 31 Miert 1835 tot 1 Fibberwarie 1850.In 1848 kraog us land ‘ne nuie groondwèt en oet dee groondwèt is es organieke wèt de gemeinte wèt oet veurgekaome.Dao-in is vasgestèld : de raod weurt gekoze en de gekoze raod kees oet zien midde de Wèthouwers. Meh de Börgemeister, dee woort benump door de Keuning.