| |
|
|
Christiaan Coenegracht
1755-1818.
Börgemeister
1808 -1815 |
|
|
Christiaan Coenegracht woort geborre op 29 Juni 1755 in Mestreech
,en is euverlije op 18 Augustus 1818 in
Heugem Mestreech, en begraove in de aw perochiekèrk vaan Sint Pieter. Heer waor 'ne
zoon vaan Nicolaas Coenegracht en Anna Catharina Goesens en waor de ierste
Börgemeister (Maire) vaan Mestreech in de jaore vaan 1808 tot 1815. Heer had
wijsbegeerte en rechtsgelierdheid gestudeerd aon de Hoeger Sjaol vaan
Leuven. Christiaan Coenegracht waor kaopmaan , wie de Franse Mestreech op 3 November
1794 veroverde en innaome. Christiaan Coenegracht waor getrouwd mèt
Sara Catharina Bemelmans, gebore op 27 Jannewarie 1750,
en is euverlije op 26 fibberwarie 1829. |
| Zie waor 'ne dochter
vaan 'ne " Préposé en Chèf de l'octroi," door wie heer, um zien veurdeil d'r
mèt te kinne doen, miermaole op de huugde woort gebrach vaan
verhandelinge vaan domein-geujere. De Franse vestigde in Aoke 'ne centraal bestuur
vaan len, tösse Rijn en Maos, die ingedeild waore in Arrondisseminte. Me kós
Coenegracht euver holen um zitting te numme in 't Arrondissemint-Bestuur vaan
Mestreech. Heer woort geïnstalleerd op 3 December 1794 in 't aw Staotenhoes.
Bij 't verdrag vaan Den Haag in Mei 1795 woorte Staots Vlaandere, Staots
Limburg, en Staots Gelre door de Bataafse Republiek aon Fraankriek
aofgestoon. Op 1 Oktober 1795 woorte de Zuideleke Nederlande in 9
Departeminte ingedeild en bij de Franse Republiek ingelijf.Vaanaof dat
momint waore veer Mestreechtenere officïeel Franse staotbörgers. Mestreech woort
de hoofplaots vaan 't Departemint Neder Maas. Ouch waor Coenegracht in dee periood
Griffier vaan 't Crimineel Departemints-Gerech in Mestreech en lid vaan de
raod vaan Perfectuur. Op 18 Miert 1808 woort heer door keizer Napoleon benump
tot Maire vaan Mestreech. Christiaan Coenegracht waor den ' opvolger vaan
Maire Pierre Etiene Monachon (1801-1808) en Emanuel ,Joseph ,Lefebvre
dee Maire, vaan 1800 tot 1801 in Mestreech waor. Mestreech waor
officïeel Frans groondgebeed meh woort wel bestuurd door Mestreechtenere. Maire
Christiaan Coenegracht
waor neet al te zier Frans-gezind, |
Christiaan
Coenegracht |
meh heet in deen bewoge tied , tactvol
beleid geveurd in de stad Mestreech. Bij de euvergave (trökgave) vaan de stad Mestreech
aon de Nederlande op 5 Mei 1814 (Keuning Willem I) woort de gehiele gemeinteraod veurluipeg gehandhaaf en bleef Christiaan Coenegracht Maire
- Börgemeister vaan Mestreech. Heer bleef Börgemeister tot 16 Mei 1815 ,wie
Keuning Willem I 'ne bestuurs-vernuiing doorvoerde in Mestreech. Heer
woort opgevolg in 1815 door 'nen ierste Börgemeister vaan Mestreech
vaan de Nederlande
naomelek Joonkhier André Charles Membrede. Coenegracht woort benump tot
raodslid, wat heer is gebleve tot zien doed op 18 Augutus 1818. 't Nui
Stads-bestuur woort op 3 Juni 1815 plechtig
geïnstalleerd door 'ne gedillegeerde vaan de
Gouveneur vaan Braoband boe oonder Limburg toen nog behuurde.
|
|
Kestiel ,De Hooge Weerth
|
Christiaan
Coenegracht woende op Kestiel " De Hooge Weerth " in Heugem en waor
ouch eigeneer vaan kestiel Hoogcruts, Sinnich en Lichtenberg. Zien
zoon Marie Joseph Theodoor erfde 't kestiel Lichtenberg. Heer is euverlije
op 12 December 1839,wie heer 53 jaor waor. Zien dochter Maria
Christina Sara Dorothea gebore op 23 September 1838 en euverlije op 4 Mei
1866 ( 27 Jaor) bewoende daonao 't kestiel en trouwde mèt Hubertus Theodorus
Laurentius Straetmans gebore op 16 Juli 1862 en is euverlije wie heer 35
jaor waor op 5 Mei 1873. 't Door de Franse Geconfisceerde kestiel
Lichtenberg woort op 15 februari 1809 door Christiaan Coenegrach gekoch veur
76.000 francs vaan de Franse administratie. De ajdste zoon vaan
Christiaan Coenegracht 's broor Lambert Paul waor Johannes
Lambert Coenegracht. Heer woort gebore op 12 Jannewarie 1798 in Oudkerk
Friesland en is euverlije op 14 Juli 1861 in Mestreech. Heer waor milletaer en
volgde zien milletaere opleiding, tijdens de inlijving vaan Holland door
Fraankriek, in Paries vaan 1812 tot 1815. |
| In 't jaor
1829 woort heer es 1e Lutenant-Adjudant vaan 't 27e Battaillon Nationale
Militie, euvergeplaots nao 't 1e Battaillon Jagers. Oonder comando vaan
kolonel W.H. baron van Heerdt tot Eversberg heet heer aon de tiendaogse veldtoch
deilgenome. Heer kraog den orde vaan 't Metale Kruis. In 1855 woort heer
benump tot Kolonel Brigade-Commedant vaan 't 3e Regimint Infanterie en belas
mèt 't opperbevelsjap vaan de Vestiging vaan Mestreech. Dao woort heer op 29
Miert 1858 bevorderd tot Generaol-Majoor-Bevelhebber. Heer kraog 'nen aontal
decoraties veur zien milletaere verdeenste. Ouch heer is bijgezat in 't
femiliegraaf vaan Sint-Pieter. |
Kestiel Lichtenberg |
|
