                   
| |
|
Twie Hierigheid Mestreech
1214 - 1794
Links 't waope vaan de Bissjoppe (Luik) en rechs
't waope
vaan De Hertoge vaan Braoband.
|
| 't Is neet gemekelek um te zčgke wie 't bestuur vaan Mestreech d'r oet zaog nao 't vertrek vaan de
Romeine. 't Verplaotse vaan de Bissjops-zetel vaan Tóngere nao Mestreech in
384 maakde tot Mestreech 't middelpunt vaan 't kerkelek bestuur
euver 'n groet gebeed woort. Bissjoppe en Abte waore in 't Frankische riek
de steunpilere en 't verlengstökke vaan de euverheid. Daorum waor de
residentie vaan de Mestreechter Bissjoppe ouch 't centrum vaan 't
wereldbestuur. Lambertus , Mestreechteneer vaan geboorte , woort in 705
vermaord en opgevolg door Bissjop Hubertus oet Luik, dat ziene zetel
euverbrach vaan Mestreech nao Luik. Later kaom Mestreech oonder 't bestuur
vaan Karel de Grote te stoon. Mestreech huurde noe bij Neder-Lotharinge en
zouw nog mie es 'ne have iew door de aofstammelinge vaan Karel de Grote es
'ne Hertogdom weure bestuurd.Venaof 1006 kaom Mestreech es vrije rieksstad
direk oonder 't gezag |
| vaan de Duitse Keizer te stoon. In 1039 waor keizer
Hendrik 3e , zjus gekroend in Aoke, op bezeuk in Mestreech. Heer toende
ziech deen daag veur 't iers aon de Mestreechter bevolking. Op 19 mei 1214
trouwde Keuning Otto de 4e mčt Maria van Braoband en venaof dat
momint kraog Mestreech twie besture naomelek ,de Hertoge van Braoband
en de Bissjoppe vaan Mestreech en Luik. De Bissjoppe vaan Luik en de
Hertoge vaan Braoband höbbe same oonaofgebroke euver Mestreech geregeerd
tot 1632.Van de Braobandse kant is et gezag lange tied oetgeoefend door de
Hertoge vaan Boergondië en daonao door de keuninge vaan Spanje in hun
kwaliteit es vaan Hertoge vaan Braobant. In 1632 maakde prins Frederik
Hendrik ziech meister vaan eus stad en troje de Staten-Generaal Der
Verenigde Nederlanden in de rechte vaan Braoband. Dat heet gedoord tot
1673 wie keuning Lodewijk xiv Mestreech innaom , meh bij de Vrede van
Nijmege tösse de Franse en de Hollenders in 1678, kraoge de Staote hun
rechte op de stad weer trök , um die te behawwe tot de zoegenaomde Franse
tied in 1794. Venaof noe behuurde Mestreech bij
'n Hertogdom. In de Middeliewe woorte de stads-bestuurders (de nuie raod)
gekoze op 1 Oktober, de fiesdaag vaan Sint Remigius, en in 1399 koos me 'nen
aofgevaardigde vaan 23 ambachte , twie börregemeisters en ach gezwore
raode, deils vaan Luik en deils vaan Braobandse geboorte. Tegeliek kóze zie
twie tot veer Gouveneurs veur edere ambach, twie stads-oontvčngers (cent)
en veur sommege ambachte ouch käörmeisters. De nuie raod stčlde
alderlei meisters aon zoewie erme-meisters, leprameisters, en
gasthoes-meisters, die daan de zörg hadde veur de behoofte vaan melaatse of
kraanke pelgrims. D'r waore o.a. touwziech-hawwers op de lake-handel ,käörmeisters
(slachhoes-meisters), opziechters vaan meulens op de Maos of Jeker
en nog väöl miejer bestuurders. |
Karel de Grote.
|
|
Keuning Willem 1
|
Perceis noteerde de stads sjreiver (secretaris) daan
in de raods-vergaderinge (notule) de beëideging vaan alle raodsleie en
ambachsdregers. De stadsbevolking merkde wieneg vaan dees belaankrieke
gebäörtenisse umtot alles gebäörde in 't deepste geheim.
Later trokke de nui benumde raodsleie, in roej mantels,
in 'ne cortčge róntelum 't stadhoes , zoetot ederein hun nuie weerdegheid
kóste zien. Op 4 November 1794 vele de Franse Mestreech
binne,
oonder de leiding vaan Jean-Baptiste Kléber, en dat
beteikende 't einde vaan de twiehierigheid. Bij 't verdraag vaan Den Haag
op 16 Mei 1795 stoond de Republiek der Verenigde Nederlanden häör rechte
vaan Mestreech aof aon Frankriek. Mestreech woort de hoofstad vaan
't nui Franse Departement " Nedermaas " en Mestreech woort
vaanaof noe ouch bestuurd door zeve maan vaan 't gemeintebestuur, zjus wie de
Franse dat in Fraankriek hádde . 't Doorde tot nao 1800 wie 't gčt röstiger woort in
de stad en 't land, en kaom de leiding te ligke bij eine persoen,
de Maire. Veur 't
Departement Nedermaas kraog de Perfect (gouveneur) de leiding
en veur de gemeinte de Maire (Börgemeister). Nao de ineinstorting vaan 't
Imperium vaan Napoleon leijde 't tot 'ne groete staotskundige ónröstige
tied. 't Departement Nedermaas woort op 1 Augustes 1814 aon Willem 1 der
Nederlande touwgewese en woort Mestreech
de hoofstad vaan Limburg en
ónderdeil vaan 't Vereinig Keuninkriek. De gemeinteraod waor in 1815 bij
oetstek samegestčld oet prottestante renteneers, juriste en kaoplui.
Börgemeister waor in deen tied Chritiaan Coenegrach 1808-1815. Nao 1840
naom geleidelek de prottestanse invlood op 't stadsbestuur aof en
kraog 't mie 'n bestuur vaan 'ne conservertieve katholieke struiming. |
|
|
| Naom |
Geboren |
Maire/Börgemeister |
Euverlije. |
| Emmanuel Joseph Lefebvre |
13-03-1772 |
1800 -1801 |
03-04-1820 |
| Pierre Etienne Monachon |
12-04-1731 |
1801 -1808 |
12-01-1811 |
| Christiaan Coenegracht |
29-06-1755 |
1808 -1815 |
18-08-1818 |
| André Charles Membrede |
4-11-1758 |
1815 -1818
|
25-10-1831 |
| Godard Jan Cornelis van Slijpe |
22-11-1757 |
1818 -1835 |
28-11-1838 |
| Hendrik Nierstrasz |
26-01-1773 |
1835 -1850 |
19-02-1855 |
| Jaques Pascal Wijnands |
30-05-1797 |
1851 -1855 |
16-03-1855 |
| Hiëronymus Johannes Wilhelmus van Aken |
22-01-1796 |
1855 -1860 |
19-07-1860 |
| Hendrik Raat |
28-02-1819 |
1867 -1873 |
06-02-1903 |
| Willem Hubertus Pyls |
18-11-1815 |
1861 -1867 + 1873 -1900 |
13-02-1899 |
| Petrus Christianus Hubertus Bauduin |
22-10-1836 |
1900 -1910 |
13-08-1910 |
| Leopold Bernard Josef van Oppen |
23-08-1871 |
1910 -1937 |
20-10-1941 |
| Willem baron Michiels van Kessenich |
16-10-1902 |
1944 -1967 |
09-01-1992 |
| Louis Ph. J.Peeters |
07-11-1905 |
1941-1942- en 1943-1944 |
20-01-1965 |
| T.A.A.A. Copraij |
12-02-1912 |
1943 -1943 |
12-01-1968 |
| A.C. de Leij |
13-09-1909 |
1944 -1944 |
20-11-1967 |
| Alphonsus Maria Ignatius Hubertus Beaten |
10-04-1920 |
1967 -1985 |
07-01-1996 |
| Philippus Josephus Ignatius Houben |
29-01-1941 |
1985 -2002 |
|
| Gerardus Bernardus Maria Leers |
12-07-1951 |
2002 -2010 |
|
|
|
|
