| |
| Johannes
Christianus Antonius Schaepkens is gebore op 23 Juni 1885 in Mestreech en
euverlije op 1 September 1899 te Mestreech. Heer stamde aof oet 'nen aw bekinde
Limburgse femilie, boevaan versjeiende leie deil oet maakde vaan 't
Mestreechs gemeintebestuur.
Alexanders vaajer hètde Jan Arnold Schaepkens en zien moojer waor Maria Anna
Ryckelen. Zien geboortehoes stoont aon 't Vriethof en heer had twie gebreurs - den' awwere Theodore en de jongere Arnaud - die zich ouch
aongetrokke voolte tot de sjèlderskuns en boe vaan Theodore later in
Breussel ziene liermeister woort. 't Gezin Schaepkens bestoont oet vaajer
en moojer en hun ach kinder. Vief zäöns en drei dochters. Alexander zwórref
es kleine gamin al door de stad um daor kleursjètskes vaan gebouwe en
vestingwèrreke te make. Heer verzamelde ouch munte en penninge. |
| Bij de kopersleger " Van der Nordaa" moch heer bij 't aw koper naor weerdevolle
numismatica zeuke. In ruil heiveur kraog de kopersleger teikeninge en
sjetse vaan de jonge Alexander. Aon Van der Noordaa is 't te daanke tot
vaan Alexander Schaepkens' jäögwèrrek väöl bewaord is gebleve.
Nao 't Keuningklek Atheneum te höbbe doorloupe volgde heer in
Mestreech de stads-teikensjaol. Es zestienjaorige zaot heer, zjus wie
Theodore had gedoon, zien artistieke studies wijer aon den' Academie veur
beeldende kunste te Antwèrrepe en daonao in Brussel. Op e tentoenstèlling
in Antwèrrepe versjeen zien ierste sjèlderij. Dat waor in 1834 en dat bleef neet oonópgemèrrek. In 1837 is Alexander
weer trök in Mestreech. Heer góng met groete iever
weijer mèt 't vastlègke vaan de sjèlder-achtige punte vaan de stad en häör
umgeving. Heer loerde evels ouch wijer daan zien stad " laank "
waor. Heer maakde reize door Nederland en Bèlzj. Oonderwijl heer in 't jaor
boe-in heer veurgood nao Mestreech trök kaom , heer ouch naor Peries reisde
um daor kinnis te make mèt de wèrreke vaan de meisters vaan de
Nederlandse sjèlderskuns. Aon 't Keuninklek instituut te Amsterdam
haolde heer oondertösse zien diploma vaan teikenlieraar. |
Slevrouwe Kèrk |
In Mestreech
woort heer toen benump tot dirrekteur vaan de stedeleke teikensjaol en
heer waor 'nen oetstekend dirrekteur dee door versjeiede ginnerasies
vaan lierlinge ouch um zien lesse op 't Atheneum gepreze woort. Ein vaan
dees lierlinge waor Victor de Stuers.
Alexander Schaepkens is neet allein de historie ingegaange es de
kunsteneer dee zoe good es gein aander zoeväöl vaan zien stad
veriewigde, veural väöl vaan wat aon stadspoorte en vestingwerreke
door sloop in zien daog veur altied verlore is gegaange. Heer vestigde
ouch eeders aondach op de archeologische sjatte vaan Mestreech en 't
is, wie 'ne gemeinteraodslid in dee tied zag , “dankzij de talenten en
onvermoeibare ijver van Alexander Schaepkens dat de stad Maastricht de
volledige monografie aan schilderijen en tekeningen bezit van alle
steden in Nederland.”
Heer heet , mèt e paar geliekdinkende, e vereiniging
opgeriech um 't bestudere vaan 't verleie vaan de provincie .Die
vereiniging vergaderde veur 't iers op 3 januarie 1864 . |
Theodorus
Schaepkens
(broor vaan
Alexander) |
Dreiënveertig jaor zou de "Societe
d` Archeologie dans le Duché de Limbourg" ("Archeologische
Sociëteit van het Hertogdom Limburg") oonder dees naom blieve
bestoon. Toen veel, in 1906, 't woord duché eweg , umtot de
Provinciale staote van 't Hertogdom Limburg, beslote veurtaon
provinciale staote vaan Limburg te heite. Dreij
jaor, tot 1866, is Alexander Schaepkens veurzitter gewees vaan wat noe 't "Limburgs
Geschied- en Oudheidkundig Genootschap" (L.G.O.G.) hèt. Daonao woort heer ópgevolleg door Jos Habets, de bekinde aajtheidskundige en
rieksarsjivaris in Limburg. Alexander Schaepkens leef vendaog d'n daag
nog op väöl menere weier op zien väöle sjèlderije, brandgesjèlderde
vinsters, etse, litho's en aquarelle. Mèr altied, ouch oet zien
olieverve, spreke zien werreke , zien spesjaole aonlag en leefde veur 't
aquarelleren door zien liechte dee 't aosemp.
|
Sint Maartens
Poort
|
|
Brusselse Poort
1879
|
|
Zien kleurelitho's bringe allewijl bij de antiquariate en op
antiekbeurze ummertouw hoegere prijze op. Alexander Schaepkens waor ouch
eigens 'ne verzameleer vaan aw kuns. Heer had in zien hoes aon de
Breusselsestraot 'nen opmèrkeleke kolleksie antiquiteite bijeingebrach. De
oondersjeijinge die heer in zie leve kraog en de väöle lidmaotsjappe
vaan wetensjappeleke genootsjappe tot in Rusland en Griekeland touw,
getuige vaan 'ne groete rippetasie vaan Alexander Schaepkens es
kunsteneer, archeoloog en gelierde.
Vaan häöm is slechs éín pertret bekind. Dat woort gemaak door
zien jonger broor in de kunst Arnaud. Eín pertret slechs vaan de maan
dee zèllef 't geziech vaan zien stad Mestreech en zien
provincie Limburg mèt zoeväöl leefde en zoeväöl vakmansjap veur
altied, en zoe zörregvöldeg, veur us heet veriewig op pepier, linne
en op glaas.
Bron,Jos www.ingelegilde.nl |
|
